يا ترى هتصلي التراويح السنة دي فين؟

أفضل الصلاة في البيت لأسباب كتيرة أهمها اني بحس أكتر بالخشوع .. بس مش كل الناس بتحس بخشوع لما بتصلي في البيت .. فايه العمل؟؟ مفيش أى مشاكل انك تصلي التراويح في المسجد ولكن بضوابط :


1-انك تكوني ملتزمة بالزي الشرعي اللي كلنا عرفينه .. فايه العبرة من انك تروحي تصلي في المسجد وانت خارجة يبصلك شاب فيعجب بشكلك أو بلبسك؟؟ والنفوس والله ضعيفة حتى في رمضان ... فخدي بالك من النقطة دي كويس

2-احرصي انك تروحي مسجد قريب عشان ما تضطريش انك تركبي مواصلات لانها بهدلة فوالله لقد رايت بعيني منظرا في الميكروباص لم ار مثله في حياتي وكنا في رمضان وفي العشرة الاواخر كمان
وعلى فرض انك هتروحي مسجد بعيد عن البيت فلازم يكون معاك اخوك أو أبوك أو زوجك أو أي محرم ليك .. وده أأمنلك وأكرملك

3- احذري من انك تروحي مسجد معين عشان الشيخ اللي بيصلي صوته حلو ! آه الصوت الحلو مطلوب ولكن لا تنسي ان الغرض الأساسي هو الخشوع وان القرآن يمس قلبك وجوارحك ويزيل الغفلة التي رانت عليه مش انك تتاثري بصوته وخلاص

4- خلاص بقى التزمت بكل الضوابط دي وهتروحي المسجد ... خلي ذهابك ده دعوة .. ازاي؟ خدي معاك شريط أو كتيب أو أي حاجة حلوة واديها للي جنبك منها ادخال السرور على قلب مسلمة ومنها لان يهدي الله بك رجلا واحدا ، ولا تحقري من المعروف شيئا .

ندخل بقى في النقطة اللي بعد كدة ولكن فيما بعد

و السلام عليكم ورحمة الله وبركاته
__________________
قال ابن القيم-رحمه الله-:النفس ذواقة تواقة،ولهذا اذا ذاق العبد طعم حلاوة الايمان وخالطت بشاشته قلبه رسخ فيه حبه .. ،ولم يؤثر عليه شيئا أبدا.